سورہ کہف اردو ترجمہ کے ساتھ
سورة الکہف (غار) قرآن کا اٹھاراں واں سورہ ہے جو مکہ مکرمہ میں نازل ہوئی۔ اس میں 110 آیات ہیں اور اس میں ایمان، آزمائشوں، اور الہٰی حکمت کے موضوعات پر بات کی گئی ہے۔
اہمیت:
حضرت محمد ﷺ نے اس سورہ کو ہفتے میں ایک بار پڑھنے کی تاکید کی: “جو شخص جمعہ کے دن سورہ الکہف پڑھے گا، اس کے لیے دونوں جمعوں کے درمیان روشنی ہو گی” (الحقیم، تصدیق شدہ)۔
دجال (مسیح موعود) کی آزمائشوں سے حفاظت کرتی ہے: “جو شخص سورہ الکہف کی دس آیات حفظ کرے گا، وہ دجال سے محفوظ رہے گا” (صحیح مسلم)۔
پی ڈی ایف ڈاؤن لوڈ کریں۔ (Downloa PDF)
آن لائن پڑھیں (Read Online)
آڈیو سنیں۔ (Listen Audio)
ویڈیو دیکھیں (Watch Video)
| تفصیل | معلومات |
|---|---|
| سورہ کا نام | Al-Kahf (الكهف) |
| باب نمبر | 18 |
| آیات کی تعداد | 110 |
| وحی کا مقام | مکہ |
| جوز (پارہ) نمبر | 15-16 (دو عجزہ کے حصوں پر محیط) |
| کلیدی تھیمز | ایمان کی آزمائشیں، الہی تحفظ، عاجزی بمقابلہ تکبر، عارضی دنیاوی زندگی، روحانی لچک |
| الفاظ | 1,593 (تقریبا.) |
| خطوط | 6,435 (تقریبا.) |
| رکوع | 12 |
سورہ کہف کا اردو ترجمہ
الْحَمْدُ لِلَّهِ الَّذِي أَنْزَلَ عَلَىٰ عَبْدِهِ الْكِتَابَ وَلَمْ يَجْعَلْ لَهُ عِوَجًا
ترجمہ : سب تعریف خدا ہی کو ہے جس نے اپنے بندے (محمدﷺ) پر (یہ) کتاب نازل کی اور اس میں کسی طرح کی کجی (اور پیچیدگی) نہ رکھی
قَيِّمًا لِيُنْذِرَ بَأْسًا شَدِيدًا مِنْ لَدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا
ترجمہ : سیدھی (اور سلیس اتاری) تاکہ لوگوں کو عذاب سخت سے جو اس کی طرف سے (آنے والا) ہے ڈرائے اور مومنوں کو جو نیک عمل کرتے ہیں خوشخبری سنائے کہ اُن کے لئے (ان کے کاموں کا) نیک بدلہ (یعنی) بہشت ہے
مَاكِثِينَ فِيهِ أَبَدًا
ترجمہ : جس میں وہ ابدا لاآباد رہیں گے
وَيُنْذِرَ الَّذِينَ قَالُوا اتَّخَذَ اللَّهُ وَلَدًا
ترجمہ : اور ان لوگوں کو بھی ڈرائے جو کہتے ہیں کہ خدا نے (کسی کو) بیٹا بنا لیا ہے
مَا لَهُمْ بِهِ مِنْ عِلْمٍ وَلَا لِآبَائِهِمْ ۚ كَبُرَتْ كَلِمَةً تَخْرُجُ مِنْ أَفْوَاهِهِمْ ۚ إِنْ يَقُولُونَ إِلَّا كَذِبًا
ترجمہ : ان کو اس بات کا کچھ بھی علم نہیں اور نہ ان کے باپ دادا ہی کو تھا۔ (یہ) بڑی سخت بات ہے جو ان کے منہ سے نکلتی ہے (اور کچھ شک نہیں) کہ یہ جو کہتے ہیں محض جھوٹ ہے
فَلَعَلَّكَ بَاخِعٌ نَفْسَكَ عَلَىٰ آثَارِهِمْ إِنْ لَمْ يُؤْمِنُوا بِهَٰذَا الْحَدِيثِ أَسَفًا
ترجمہ : (اے پیغمبر) اگر یہ اس کلام پر ایمان نہ لائیں تو شاید تم کے ان پیچھے رنج کر کر کے اپنے تئیں ہلاک کردو گے
إِنَّا جَعَلْنَا مَا عَلَى الْأَرْضِ زِينَةً لَهَا لِنَبْلُوَهُمْ أَيُّهُمْ أَحْسَنُ عَمَلًا
ترجمہ : جو چیز زمین پر ہے ہم نے اس کو زمین کے لئے آرائش بنایا ہے تاکہ لوگوں کی آزمائش کریں کہ ان میں کون اچھے عمل کرنے والا ہے
وَإِنَّا لَجَاعِلُونَ مَا عَلَيْهَا صَعِيدًا جُرُزًا
ترجمہ : اور جو چیز زمین پر ہے ہم اس کو (نابود کرکے) بنجر میدان کردیں گے
أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا
ترجمہ : کیا تم خیال کرتے ہو کہ غار اور لوح والے ہمارے نشانیوں میں سے عجیب تھے
إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا
ترجمہ : جب وہ جوان غار میں جا رہے تو کہنے لگے کہ اے ہمارے پروردگار ہم پر اپنے ہاں سے رحمت نازل فرما۔ اور ہمارے کام درستی (کے سامان) مہیا کر
فَضَرَبْنَا عَلَىٰ آذَانِهِمْ فِي الْكَهْفِ سِنِينَ عَدَدًا
ترجمہ : تو ہم نے غار میں کئی سال تک ان کے کانوں پر (نیند کا) پردہ ڈالے (یعنی ان کو سلائے) رکھا
ثُمَّ بَعَثْنَاهُمْ لِنَعْلَمَ أَيُّ الْحِزْبَيْنِ أَحْصَىٰ لِمَا لَبِثُوا أَمَدًا
ترجمہ : پھر ان کو جگا اُٹھایا تاکہ معلوم کریں کہ جتنی مدّت وہ (غار میں) رہے دونوں جماعتوں میں سے اس کی مقدار کس کو خوب یاد ہے
نَحْنُ نَقُصُّ عَلَيْكَ نَبَأَهُمْ بِالْحَقِّ ۚ إِنَّهُمْ فِتْيَةٌ آمَنُوا بِرَبِّهِمْ وَزِدْنَاهُمْ هُدًى
ترجمہ : ہم اُن کے حالات تم سے صحیح صحیح بیان کرتے ہیں۔ وہ کئی جوان تھے جو اپنے پروردگار پر ایمان لائے تھے اور ہم نے ان کو اور زیادہ ہدایت دی تھی
وَرَبَطْنَا عَلَىٰ قُلُوبِهِمْ إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَنْ نَدْعُوَ مِنْ دُونِهِ إِلَٰهًا ۖ لَقَدْ قُلْنَا إِذًا شَطَطًا
ترجمہ : اور ان کے دلوں کو مربوط (یعنی مضبوط) کردیا۔ جب وہ (اُٹھ) کھڑے ہوئے تو کہنے لگے کہ ہمارا پروردگار آسمانوں اور زمین کا مالک ہے۔ ہم اس کے سوا کسی کو معبود (سمجھ کر) نہ پکاریں گے (اگر ایسا کیا) تو اس وقت ہم نے بعید از عقل بات کہی
هَٰؤُلَاءِ قَوْمُنَا اتَّخَذُوا مِنْ دُونِهِ آلِهَةً ۖ لَوْلَا يَأْتُونَ عَلَيْهِمْ بِسُلْطَانٍ بَيِّنٍ ۖ فَمَنْ أَظْلَمُ مِمَّنِ افْتَرَىٰ عَلَى اللَّهِ كَذِبًا
ترجمہ : ان ہماری قوم کے لوگوں نے اس کے سوا اور معبود بنا رکھے ہیں۔ بھلا یہ ان (کے خدا ہونے) پر کوئی کھلی دلیل کیوں نہیں لاتے۔ تو اس سے زیادہ کون ظالم ہے جو خدا پر جھوٹ افتراء کرے
وَإِذِ اعْتَزَلْتُمُوهُمْ وَمَا يَعْبُدُونَ إِلَّا اللَّهَ فَأْوُوا إِلَى الْكَهْفِ يَنْشُرْ لَكُمْ رَبُّكُمْ مِنْ رَحْمَتِهِ وَيُهَيِّئْ لَكُمْ مِنْ أَمْرِكُمْ مِرْفَقًا
ترجمہ : اور جب تم نے ان (مشرکوں) سے اور جن کی یہ خدا کے سوا عبادت کرتے ہیں ان سے کنارہ کرلیا ہے تو غار میں چل رہو تمہارا پروردگار تمہارے لئے اپنی رحمت وسیع کردے گا اور تمہارے کاموں میں آسانی (کے سامان) مہیا کرے گا
وَتَرَى ٱلشَّمْسَ إِذَا طَلَعَت تَّزَٰوَرُ عَن كَهْفِهِمْ ذَاتَ ٱلْيَمِينِ وَإِذَا غَرَبَت تَّقْرِضُهُمْ ذَاتَ ٱلشِّمَالِ وَهُمْ فِى فَجْوَةٍۢ مِّنْهُ ۚ ذَٰلِكَ مِنْ ءَايَـٰتِ ٱللَّهِ ۗ مَن يَهْدِ ٱللَّهُ فَهُوَ ٱلْمُهْتَدِ ۖ وَمَن يُضْلِلْ فَلَن تَجِدَ لَهُۥ وَلِيًّۭا مُّرْشِدًۭا
ترجمہ : اور جب سورج نکلے تو تم دیکھو کہ (دھوپ) ان کے غار سے داہنی طرف سمٹ جائے اور جب غروب ہو تو ان سے بائیں طرف کترا جائے اور وہ اس کے میدان میں تھے۔ یہ خدا کی نشانیوں میں سے ہیں۔ جس کو خدا ہدایت دے یا وہ ہدایت یاب ہے اور جس کو گمراہ کرے تو تم اس کے لئے کوئی دوست راہ بتانے والا نہ پاؤ گے
وَتَحْسَبُهُمْ أَيْقَاظًا وَهُمْ رُقُودٌ ۚ وَنُقَلِّبُهُمْ ذَاتَ الْيَمِينِ وَذَاتَ الشِّمَالِ ۖ وَكَلْبُهُمْ بَاسِطٌ ذِرَاعَيْهِ بِالْوَصِيدِ ۚ لَوِ اطَّلَعْتَ عَلَيْهِمْ لَوَلَّيْتَ مِنْهُمْ فِرَارًا وَلَمُلِئْتَ مِنْهُمْ رُعْبًا
ترجمہ : اور تم ان کو خیال کرو کہ جاگ رہے ہیں حالانکہ وہ سوتے ہیں۔ اور ہم ان کو دائیں اور بائیں کروٹ بدلاتے تھے۔ اور ان کا کتا چوکھٹ پر دونوں ہاتھ پھیلائے ہوئے تھا۔ اگر تم ان کو جھانک کر دیکھتے تو پیٹھ…
ترجمہ : …پھیر کر بھاگ جاتے اور ان سے دہشت زدہ ہوجاتے
ترجمہ : …پھیر کر بھاگ جاتے اور ان سے دہشت زدہ ہوجاتے
وَكَذَٰلِكَ بَعَثْنَاهُمْ لِيَتَسَاءَلُوا بَيْنَهُمْ ۚ قَالَ قَائِلٌ مِنْهُمْ كَمْ لَبِثْتُمْ ۖ قَالُوا لَبِثْنَا يَوْمًا أَوْ بَعْضَ يَوْمٍ ۚ قَالُوا رَبُّكُمْ أَعْلَمُ بِمَا لَبِثْتُمْ فَابْعَثُوا أَحَدَكُمْ بِوَرِقِكُمْ هَٰذِهِ إِلَى الْمَدِينَةِ فَلْيَنْظُرْ أَيُّهَا أَزْكَىٰ طَعَامًا فَلْيَأْتِكُمْ بِرِزْقٍ مِنْهُ وَلْيَتَلَطَّفْ وَلَا يُشْعِرَنَّ بِكُمْ أَحَدًا
ترجمہ : اور اسی طرح ہم نے ان کو جگا اُٹھایا تاکہ آپس میں ایک دوسرے سے دریافت کریں۔ تو ان میں سے ایک نے پوچھا کہ تم یہاں کتنی دیر رہے؟ انہوں نے کہا کہ شاید ایک دن یا دن کا کچھ حصہ۔ (پھر) کہنے لگے کہ تمہارا پروردگار ہی خوب جانتا ہے کہ تم یہاں کتنی دیر رہے۔ اب اپنے میں سے کسی کو یہ روپیہ دے کر شہر بھیجو۔ پھر وہ دیکھے کہ کون سا کھانا پاکیزہ (یعنی اچھا) ہے تو اس میں سے تمہارے لئے کھانا لائے اور آہستہ آہستہ آنا جانا کرے۔ کسی کو تمہاری خبر نہ ہونے پائے
إِنَّهُمْ إِنْ يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَنْ تُفْلِحُوا إِذًا أَبَدًا
ترجمہ : اگر ان کو تمہاری خبر ہوگئی تو تم کو سنگسار کردیں گے یا اپنے دین میں پھر لے جائیں گے اور اس صورت میں تم کبھی فلاح نہیں پاؤ گے
وَكَذَٰلِكَ أَعْثَرْنَا عَلَيْهِمْ لِيَعْلَمُوا أَنَّ وَعْدَ اللَّهِ حَقٌّ وَأَنَّ السَّاعَةَ لَا رَيْبَ فِيهَا إِذْ يَتَنَازَعُونَ بَيْنَهُمْ أَمْرَهُمْ ۖ فَقَالُوا ابْنُوا عَلَيْهِمْ بُنْيَانًا ۖ رَبُّهُمْ أَعْلَمُ بِهِمْ ۚ قَالَ الَّذِينَ غَلَبُوا عَلَىٰ أَمْرِهِمْ لَنَتَّخِذَنَّ عَلَيْهِمْ مَسْجِدًا
ترجمہ : اور اسی طرح ہم نے لوگوں کو ان (کی حقیقت حال) سے آگاہ کردیا تاکہ جان لیں کہ خدا کا وعدہ سچا ہے اور قیامت (جس کے آنے میں) کچھ شک نہیں (ضرور آئے گی)۔ جب وہ ان کے بارے میں آپس میں جھگڑ رہے تھے تو کہنے لگے کہ ان پر ایک عمارت بنا دو۔ ان کا پروردگار ان کے حال سے خوب واقف ہے۔ جن لوگوں کا ان کے معاملے میں غلبہ رہا انہوں نے کہا کہ ہم ان پر ضرور مسجد بنائیں گے
سَيَقُولُونَ ثَلَاثَةٌ رَابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ ۖ وَيَقُولُونَ سَبْعَةٌ وَثَامِنُهُمْ كَلْبُهُمْ ۚ قُلْ رَبِّي أَعْلَمُ بِعِدَّتِهِمْ مَا يَعْلَمُهُمْ إِلَّا قَلِيلٌ ۗ فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِمْ مِنْهُمْ أَحَدًا
ترجمہ : (کچھ لوگ) کہیں گے کہ وہ تین تھے اور چوتھا ان کا کتا تھا اور کچھ کہیں گے کہ وہ پانچ تھے اور چھٹا ان کا کتا تھا۔ یہ اٹکل کی باتیں کرتے ہیں۔ اور کچھ کہیں گے کہ وہ سات تھے اور آٹھواں ان کا کتا تھا۔ کہہ دو کہ میرا پروردگار ان کی تعداد کو خوب جانتا ہے۔ ان کو کم لوگ ہی جانتے ہیں۔ تو تم ان کے بارے میں ظاہر کے سوا (اور) بحث نہ کرنا اور ان کے بارے میں ان میں سے کسی سے کچھ نہ پوچھنا
وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا
ترجمہ : اور کسی کام کے بارے میں نہ کہنا کہ میں اسے کل کروں گا
إِلَّا أَنْ يَشَاءَ اللَّهُ ۚ وَاذْكُرْ رَبَّكَ إِذَا نَسِيتَ وَقُلْ عَسَىٰ أَنْ يَهْدِيَنِ رَبِّي لِأَقْرَبَ مِنْ هَٰذَا رَشَدًا
ترجمہ : مگر جب خدا چاہے اور جب تم بھول جاؤ تو اپنے پروردگار کو یاد کرلو اور کہو کہ امید ہے کہ میرا پروردگار مجھے اس سے بھی زیادہ ہدایت کی بات بتائے گا
وَلَبِثُوا فِي كَهْفِهِمْ ثَلَاثَ مِائَةٍ سِنِينَ وَازْدَادُوا تِسْعًا
ترجمہ : اور وہ اپنی غار میں تین سو برس رہے اور نو اوپر ہوئے
قُلِ اللَّهُ أَعْلَمُ بِمَا لَبِثُوا ۖ لَهُ غَيْبُ السَّمَاوَاتِ وَالْأَرْضِ ۖ أَبْصِرْ بِهِ وَأَسْمِعْ ۚ مَا لَهُمْ مِنْ دُونِهِ مِنْ وَلِيٍّ وَلَا يُشْرِكُ فِي حُكْمِهِ أَحَدًا
ترجمہ : کہہ دو کہ خدا ہی خوب جانتا ہے کہ وہ کتنی مدت رہے اسی کو آسمانوں اور زمین کے پوشیدہ (حال) کا علم ہے۔ کیا خوب ہے وہ دیکھنے والا اور سننے والا۔ اس کے سوا ان کا کوئی مددگار نہیں اور نہ وہ کسی کو اپنے حکم میں شریک کرتا ہے
وَاتْلُ مَا أُوحِيَ إِلَيْكَ مِنْ كِتَابِ رَبِّكَ ۖ لَا مُبَدِّلَ لِكَلِمَاتِهِ وَلَنْ تَجِدَ مِنْ دُونِهِ مُلْتَحَدًا
ترجمہ : اور تمہارے پروردگار نے جو کتاب تمہاری طرف بھیجی ہے اس کو پڑھا کرو۔ اس کی باتوں کو کوئی بدلنے والا نہیں اور تم اس کے سوا ہرگز کوئی جائے پناہ نہیں پاؤ گے
وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا
ترجمہ : اور جو لوگ صبح وشام اپنے پروردگار کو یاد کرتے ہیں (یعنی) اس کی عبادت کرتے ہیں ان کے ساتھ صبر کرتے رہو۔ (اور) ان سے چشم پوشی نہ کرو کہ تم دنیا کی زندگی کے مزے چاہنے لگو۔ اور جس شخص کو ہم نے بھلا دیا ہے کہ وہ ہماری یاد سے غافل رہے اور اپنی خواہش کے پیچھے چلا ہے اس کا کہا نہ مانو۔ اس کا تو یہ حال ہے کہ اس کا کوئی کام حد سے بڑھا ہوا ہے
وَقُلِ الْحَقُّ مِنْ رَبِّكُمْ ۖ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ ۚ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا ۚ وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ ۚ بِئْسَ الشَّرَابُ وَسَاءَتْ مُرْتَفَقًا
ترجمہ : اور کہہ دو کہ (یہ) تمہارے پروردگار کی طرف سے حق ہے تو جس کا جی چاہے مانے اور جس کا جی چاہے نہ مانے۔ ہم نے تو ظالموں کے لئے آگ تیار کر رکھی ہے جس کی قناتیں ان کو گھیرے ہوئے ہوں گی اور اگر فریاد کریں گے تو ان کی فریاد ایسے پانی سے رفع کی جائے گی جو پیپ کی طرح ہوگا (اور) ان کے مونہوں کو جلا دے گا۔ کیا برا پانی ہے اور کیا بری جگہ ہے
إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا
ترجمہ : جو لوگ ایمان لائے اور نیک کام کرتے رہے ہم ان کے نیک کاموں کا صلہ ضائع نہیں کرتے
أُولَٰئِكَ لَهُمْ جَنَّاتُ عَدْنٍ تَجْرِي مِنْ تَحْتِهِمُ الْأَنْهَارُ يُحَلَّوْنَ فِيهَا مِنْ أَسَاوِرَ مِنْ ذَهَبٍ وَيَلْبَسُونَ ثِيَابًا خُضْرًا مِنْ سُنْدُسٍ وَإِسْتَبْرَقٍ مُتَّكِئِينَ فِيهَا عَلَى الْأَرَائِكِ ۚ نِعْمَ الثَّوَابُ وَحَسُنَتْ مُرْتَفَقًا
ترجمہ : ان کے لئے بہشت کے باغ ہیں جن کے نیچے نہریں بہہ رہی ہیں۔ وہاں ان کو سونے کے کنگن پہنائے جائیں گے اور وہ باریک اور دبیز ریشم کے سبز لباس پہنیں گے اور تختوں پر تکیے لگائے بیٹھیں گے۔ کیا خوب جزا اور کیا خوب جگہ ہے
وَاضْرِبْ لَهُمْ مَثَلًا رَجُلَيْنِ جَعَلْنَا لِأَحَدِهِمَا جَنَّتَيْنِ مِنْ أَعْنَابٍ وَحَفَفْنَاهُمَا بِنَخْلٍ وَجَعَلْنَا بَيْنَهُمَا زَرْعًا
ترجمہ : اور ان سے دو شخصوں کا حال بیان کرو جن میں سے ایک کو ہم نے دو انگور کے باغ دیئے تھے اور ان کے چاروں طرف کھجور کے درخت لگائے تھے اور ان کے درمیان کھیتی پیدا کی تھی
كِلْتَا الْجَنَّتَيْنِ آتَتْ أُكُلَهَا وَلَمْ تَظْلِمْ مِنْهُ شَيْئًا ۚ وَفَجَّرْنَا خِلَالَهُمَا نَهَرًا
ترجمہ : دونوں باغ خوب پھل لائے تھے اور ان میں کسی طرح کی کمی نہیں کی تھی اور ہم نے ان میں نہریں جاری کر دی تھیں
وَكَانَ لَهُ ثَمَرٌ فَقَالَ لِصَاحِبِهِ وَهُوَ يُحَاوِرُهُ أَنَا أَكْثَرُ مِنْكَ مَالًا وَأَعَزُّ نَفَرًا
ترجمہ : اور اس کو اور طرح کا بھی پھل حاصل تھا۔ تو اس نے تکبر سے اپنے دوست سے کہا کہ میں تجھ سے مال میں بھی زیادہ ہوں اور (عزت میں) جماعت میں بھی بڑا ہوں
وَدَخَلَ جَنَّتَهُ وَهُوَ ظَالِمٌ لِنَفْسِهِ قَالَ مَا أَظُنُّ أَنْ تَبِيدَ هَٰذِهِ أَبَدًا
ترجمہ : اور وہ اپنے باغ میں (مغرور ہوکر) داخل ہوا (اور) کہنے لگا کہ میں نہیں خیال کرتا کہ یہ کبھی فنا ہوگا
وَمَا أَظُنُّ السَّاعَةَ قَائِمَةً وَلَئِنْ رُدِدْتُ إِلَىٰ رَبِّي لَأَجِدَنَّ خَيْرًا مِنْهَا مُنْقَلَبًا
ترجمہ : اور نہ میں خیال کرتا ہوں کہ قیامت آئے گی اور اگر (بالفرض) میں اپنے پروردگار کے پاس لوٹایا بھی گیا تو (وہاں) بھی اس سے بہتر جگہ پاؤں گا
قَالَ لَهُ صَاحِبُهُ وَهُوَ يُحَاوِرُهُ أَكَفَرْتَ بِالَّذِي خَلَقَكَ مِنْ تُرَابٍ ثُمَّ مِنْ نُطْفَةٍ ثُمَّ سَوَّاكَ رَجُلًا
ترجمہ : اس کے دوست نے اس سے کہا کہ کیا تم اس سے منکر ہو جس نے تم کو مٹی سے پیدا کیا پھر نطفے سے پھر تمہیں پورا آدمی بنایا
لَٰكِنَّا هُوَ اللَّهُ رَبِّي وَلَا أُشْرِكُ بِرَبِّي أَحَدًا
ترجمہ : لیکن میں تو (کہتا ہوں کہ) وہی خدا میرا پروردگار ہے اور میں کسی کو اپنے پروردگار کا شریک نہیں بناتا
وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ إِنْ تَرَنِ أَنَا أَقَلَّ مِنْكَ مَالًا وَوَلَدًا
ترجمہ : اور جب تم اپنے باغ میں داخل ہوئے تھے تو تم نے کیوں نہ کہا کہ جو خدا چاہے (ہوتا ہے) اور سب قوت خدا ہی کو ہے۔ اگر تم مجھے مال اور اولاد میں اپنے سے کم دیکھتے ہو
فَعَسَىٰ رَبِّي أَنْ يُؤْتِيَنِ خَيْرًا مِنْ جَنَّتِكَ وَيُرْسِلَ عَلَيْهَا حُسْبَانًا مِنَ السَّمَاءِ فَتُصْبِحَ صَعِيدًا زَلَقًا
ترجمہ : تو عجب نہیں کہ میرا پروردگار مجھے تمہارے باغ سے بہتر (باغ) عطا فرمائے اور اس پر آسمان سے بلا نازل کرے تو وہ چٹیل میدان ہوجائے
أَوْ يُصْبِحَ مَاؤُهَا غَوْرًا فَلَنْ تَسْتَطِيعَ لَهُ طَلَبًا
ترجمہ : یا اس کا پانی نیچے اتر جائے تو تم اس کو ہرگز تلاش نہ کرسکو
وَأُحِيطَ بِثَمَرِهِ فَأَصْبَحَ يُقَلِّبُ كَفَّيْهِ عَلَىٰ مَا أَنْفَقَ فِيهَا وَهِيَ خَاوِيَةٌ عَلَىٰ عُرُوشِهَا وَيَقُولُ يَا لَيْتَنِي لَمْ أُشْرِكْ بِرَبِّي أَحَدًا
ترجمہ : اور اس کے (سارے) میوے گھیرے میں آگئے تو جو خرچ اس نے اس پر کیا تھا اس پر ہاتھ ملنے لگا اور وہ گر پڑا تھا اپنی چھتوں پر اور کہنے لگا کاش میں نے کسی کو اپنے پروردگار کا شریک نہ بنایا ہوتا
وَلَمْ تَكُنْ لَهُ فِئَةٌ يَنْصُرُونَهُ مِنْ دُونِ اللَّهِ وَمَا كَانَ مُنْتَصِرًا
ترجمہ : اور خدا کے سوا کوئی اس کا مددگار نہ تھا کہ اس کی مدد کرتا اور نہ وہ بدلہ لے سکا
هُنَالِكَ الْوَلَايَةُ لِلَّهِ الْحَقِّ ۚ هُوَ خَيْرٌ ثَوَابًا وَخَيْرٌ عُقْبًا
ترجمہ : یہاں اختیار خدا ہی کو ہے وہی سچا ہے اور وہی جزا کے لحاظ سے بہتر اور انجام کے لحاظ سے اچھا ہے
وَاضْرِبْ لَهُمْ مَثَلَ الْحَيَاةِ الدُّنْيَا كَمَاءٍ أَنْزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ فَأَصْبَحَ هَشِيمًا تَذْرُوهُ الرِّيَاحُ ۗ وَكَانَ اللَّهُ عَلَىٰ كُلِّ شَيْءٍ مُقْتَدِرًا
ترجمہ : اور ان سے دنیا کی زندگی کی مثال بیان کرو کہ (وہ) پانی کی طرح ہے جسے ہم نے آسمان سے نازل کیا پھر اس سے زمین میں سبزی خوب گھنی ہوگئی پھر وہ سوکھ کر چورا چورا ہوگئی کہ ہوائیں اسے اڑاتی پھرتی ہیں اور خدا ہر چیز پر قادر ہے
الْمَالُ وَالْبَنُونَ زِينَةُ الْحَيَاةِ الدُّنْيَا ۖ وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا
ترجمہ : مال اور بیٹے تو دنیا کی زندگی کی (رنگینی اور) زینت ہیں اور نیکیاں جو باقی رہنے والی ہیں وہ تمہارے پروردگار کے نزدیک جزا کے لحاظ سے بھی بہتر ہیں اور امید کے لحاظ سے بھی اچھی
وَيَوْمَ نُسَيِّرُ الْجِبَالَ وَتَرَى الْأَرْضَ بَارِزَةً وَحَشَرْنَاهُمْ فَلَمْ نُغَادِرْ مِنْهُمْ أَحَدًا
ترجمہ : اور جس دن ہم پہاڑوں کو چلائیں گے اور تم زمین کو سپاٹ دیکھو گے اور ہم ان کو جمع کرلیں گے تو ان میں سے ایک کو بھی نہیں چھوڑیں گے
وَعُرِضُوا عَلَىٰ رَبِّكَ صَفًّا لَقَدْ جِئْتُمُونَا كَمَا خَلَقْنَاكُمْ أَوَّلَ مَرَّةٍ ۚ بَلْ زَعَمْتُمْ أَلَّنْ نَجْعَلَ لَكُمْ مَوْعِدًا
ترجمہ : اور وہ تمہارے پروردگار کے سامنے صف باندھ کر حاضر کئے جائیں گے (اور خدا فرمائے گا) تم میرے پاس اکیلے اکیلے آئے ہو جیسا کہ ہم نے تم کو پہلی بار پیدا کیا تھا حالانکہ تم خیال کرتے تھے کہ ہم نے تمہارے لئے (قیامت کا) کوئی وعدہ مقرر ہی نہیں کیا
وَوُضِعَ الۡكِتٰبُ فَتَرَى الۡمُجۡرِمِيۡنَ مُشۡفِقِيۡنَ مِمَّا فِيۡهِ وَ يَقُوۡلُوۡنَ يٰوَيۡلَـتَـنَا مَالِ هٰذَا الۡـكِتٰبِ لَا يُغَادِرُ صَغِيۡرَةً وَّلَا كَبِيۡرَةً اِلَّاۤ اَحۡصٰٮهَاۚ وَوَجَدُوۡا مَا عَمِلُوۡا حَاضِرًاؕ وَ لَا يَظۡلِمُ رَبُّكَ اَحَدًا
ترجمہ : اور (عملوں کی) کتاب (کھول کر) رکھی جائے گی تو تم گنہگاروں کو دیکھو گے کہ جو کچھ اس میں (لکھا) ہوگا اس سے ڈر رہے ہوں گے اور کہیں گے ہائے شامت یہ کیسی کتاب ہے کہ نہ چھوٹی بات کو چھوڑتی ہے نہ بڑی کو۔ (کوئی بات بھی نہیں) مگر اسے لکھ رکھا ہے۔ اور جو عمل کئے ہوں گے سب کو حاضر پائیں گے۔ اور تمہارا پروردگار کسی پر ظلم نہیں کرے گا
وَإِذْ قُلْنَا لِلْمَلَائِكَةِ اسْجُدُوا لِآدَمَ فَسَجَدُوا إِلَّا إِبْلِيسَ كَانَ مِنَ الْجِنِّ فَفَسَقَ عَنْ أَمْرِ رَبِّهِ ۗ أَفَتَتَّخِذُونَهُ وَذُرِّيَّتَهُ أَوْلِيَاءَ مِنْ دُونِي وَهُمْ لَكُمْ عَدُوٌّ ۚ بِئْسَ لِلْظَّالِمِينَ بَدَلًا
ترجمہ : اور جب ہم نے فرشتوں سے کہا کہ آدم کو سجدہ کرو تو سب نے سجدہ کیا مگر ابلیس نے نہ کیا۔ وہ جنوں میں سے تھا تو اس نے اپنے پروردگار کے حکم کی نافرمانی کی۔ کیا تم اس کو اور اس کی اولاد کو میرے سوا دوست بناتے ہو حالانکہ وہ تمہارے دشمن ہیں (یہ) نافرمانوں کو برا بدلہ ہے
مَا أَشْهَدْتُهُمْ خَلْقَ السَّمَاوَاتِ وَالْأَرْضِ وَلَا خَلْقَ أَنْفُسِهِمْ وَمَا كُنْتُ مُتَّخِذَ الْمُضِلِّينَ عَضُدًا
ترجمہ : نہ تو میں نے ان کو آسمانوں اور زمین کے پیدا کرنے کے وقت بلایا تھا اور نہ ان کے پیدا کرنے کے وقت حاضر تھا اور نہ میں گمراہ کرنے والوں کو مددگار بنانے والا ہوں
وَيَوْمَ يَقُولُ نَادُوا شُرَكَائِيَ الَّذِينَ زَعَمْتُمْ فَدَعَوْهُمْ فَلَمْ يَسْتَجِيبُوا لَهُمْ وَجَعَلْنَا بَيْنَهُمْ مَوْبِقًا
ترجمہ : اور جس دن وہ فرمائے گا کہ جن کو تم میرے شریک گمان کرتے تھے ان کو بلاؤ تو وہ ان کو بلائیں گے تو وہ ان کو جواب نہ دیں گے اور ہم ان کے درمیان ہلاکت کی جگہ مقرر کردیں گے
وَرَأَى الْمُجْرِمُونَ النَّارَ فَظَنُّوا أَنَّهُمْ مُوَاقِعُوهَا وَلَمْ يَجِدُوا عَنْهَا مَصْرِفًا
ترجمہ : اور گنہگار آگ کو دیکھیں گے تو خیال کریں گے کہ اس میں گر پڑیں گے اور اس سے بچنے کی جگہ نہ پائیں گے
وَلَقَدْ صَرَّفْنَا فِي هَٰذَا الْقُرْآنِ لِلنَّاسِ مِنْ كُلِّ مَثَلٍ ۚ وَكَانَ الْإِنْسَانُ أَكْثَرَ شَيْءٍ جَدَلًا
ترجمہ : اور ہم نے لوگوں کو سمجھانے کے لئے اس قرآن میں طرح طرح کی مثالیں بیان کی ہیں اور انسان بڑا جھگڑالو ہے
وَمَا مَنَعَ النَّاسَ أَنْ يُؤْمِنُوا إِذْ جَاءَهُمُ الْهُدَىٰ وَيَسْتَغْفِرُوا رَبَّهُمْ إِلَّا أَنْ تَأْتِيَهُمْ سُنَّةُ الْأَوَّلِينَ أَوْ يَأْتِيَهُمُ الْعَذَابُ قُبُلًا
ترجمہ : اور لوگوں کو جب ان کے پاس ہدایت آچکی تو کس چیز نے منع کیا کہ ایمان لائیں اور اپنے پروردگار سے بخشش مانگیں مگر اس بات نے کہ ان کے ساتھ وہی معاملہ کیا جائے جو پہلے لوگوں کے ساتھ ہوچکا ہے یا ان پر روبرو عذاب آجائے
وَمَا نُرْسِلُ الْمُرْسَلِينَ إِلَّا مُبَشِّرِينَ وَمُنْذِرِينَ ۚ وَيُجَادِلُ الَّذِينَ كَفَرُوا بِالْبَاطِلِ لِيُدْحِضُوا بِهِ الْحَقَّ ۖ وَاتَّخَذُوا آيَاتِي وَمَا أُنْذِرُوا هُزُوًا
ترجمہ : اور ہم پیغمبروں کو نہیں بھیجتے مگر اس لئے کہ (لوگوں کو) خوشخبری سنائیں اور (عذاب سے) ڈرائیں اور کافر باطل سے جھگڑتے ہیں تاکہ اس سے حق کو زائل کردیں اور انہوں نے میری آیتوں کو اور جس چیز سے وہ ڈرائے گئے تھے ہنسی ٹھٹھا ٹھہرایا ہے
وَمَنْ أَظْلَمُ مِمَّنْ ذُكِّرَ بِآيَاتِ رَبِّهِ فَأَعْرَضَ عَنْهَا وَنَسِيَ مَا قَدَّمَتْ يَدَاهُ ۚ إِنَّا جَعَلْنَا عَلَىٰ قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا ۖ وَإِنْ تَدْعُهُمْ إِلَى الْهُدَىٰ فَلَنْ يَهْتَدُوا إِذًا أَبَدًا
ترجمہ : اور اس سے زیادہ ظالم کون ہوگا جس کو اس کے پروردگار کی آیتوں سے سمجھایا جائے تو وہ ان سے منہ پھیر لے اور جو کام وہ کرچکا ہے اس کو بھول جائے ہم نے ان کے دلوں پر پردے ڈال دیئے ہیں کہ وہ اس کو نہیں سمجھتے اور ان کے کانوں میں گرانی (پیدا کردی ہے) اور اگر تم ان کو (سیدھے) رستے کی طرف بلاؤ تو وہ کبھی رستے پر نہ آئیں گے
وَرَبُّكَ الْغَفُورُ ذُو الرَّحْمَةِ ۖ لَوْ يُؤَاخِذُهُمْ بِمَا كَسَبُوا لَعَجَّلَ لَهُمُ الْعَذَابَ ۚ بَلْ لَهُمْ مَوْعِدٌ لَنْ يَجِدُوا مِنْ دُونِهِ مَوْئِلًا
ترجمہ : اور تمہارا پروردگار بخشنے والا اور صاحب رحمت ہے۔ اگر وہ ان کے اعمال کے سبب ان پر عذاب نازل کرنا چاہے تو جلد نازل کردے لیکن ان کے لئے (عذاب کا) ایک وقت مقرر ہے جس سے وہ بچ نہیں سکتے
وَتِلْكَ الْقُرَىٰ أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِمْ مَوْعِدًا
ترجمہ : اور یہ بستیاں جب انہوں نے ظلم کیا تو ہم نے ان کو ہلاک کردیا اور ہم نے ان کی ہلاکت کا وقت مقرر کردیا تھا
وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا
ترجمہ : اور جب موسیٰ نے اپنے جوان سے کہا کہ میں (سفر سے) باز نہیں رہوں گا یہاں تک کہ دو دریاؤں کے سنگم پر پہنچ جاؤں یا برسوں چلا کروں
فَلَمَّا بَلَغَا مَجْمَعَ بَيْنِهِمَا نَسِيَا حُوتَهُمَا فَاتَّخَذَ سَبِيلَهُ فِي الْبَحْرِ سَرَبًا
ترجمہ : جب وہ دونوں ان کے سنگم پر پہنچے تو اپنی مچھلی بھول گئے تو اس نے دریا میں سرنگ کی طرح اپنا رستہ لیا
فَلَمَّا جَاوَزَا قَالَ لِفَتَاهُ آتِنَا غَدَاءَنَا لَقَدْ لَقِينَا مِنْ سَفَرِنَا هَٰذَا نَصَبًا
ترجمہ : جب وہ آگے بڑھے تو (موسیٰ نے) اپنے جوان سے کہا کہ لاؤ ہمارا ناشتا۔ ہم اس سفر میں بہت تھک گئے ہیں
قَالَ أَرَأَيْتَ إِذْ أَوَيْنَا إِلَى الصَّخْرَةِ فَإِنِّي نَسِيتُ الْحُوتَ وَمَا أَنْسَانِيهُ إِلَّا الشَّيْطَانُ أَنْ أَذْكُرَهُ ۚ وَاتَّخَذَ سَبِيلَهُ فِي الْبَحْرِ عَجَبًا
ترجمہ : اس نے کہا کیا خیال ہے جب ہم اس پتھر کے پاس ٹھہرے تھے تو میں مچھلی بھول گیا تھا اور شیطان ہی نے مجھے بھلا دیا تھا کہ اس کا ذکر کروں۔ اس نے تو عجیب طور پر دریا میں اپنا رستہ لیا
قَالَ ذَٰلِكَ مَا كُنَّا نَبْغِ ۚ فَارْتَدَّا عَلَىٰ آثَارِهِمَا قَصَصًا
ترجمہ : (موسیٰ نے) کہا یہی تو وہ جگہ ہے جس کی ہمیں تلاش تھی تو وہ اپنے نشان قدموں پر لوٹے
فَوَجَدَا عَبْدًا مِنْ عِبَادِنَا آتَيْنَاهُ رَحْمَةً مِنْ عِنْدِنَا وَعَلَّمْنَاهُ مِنْ لَدُنَّا عِلْمًا
ترجمہ : پھر انہوں نے ہمارے بندوں میں سے ایک بندے کو پایا جس کو ہم نے اپنے ہاں سے رحمت (یعنی علم لدنی) عطا فرمایا تھا اور اس کو علم سکھایا تھا
قَالَ لَهُ مُوسَىٰ هَلْ أَتَّبِعُكَ عَلَىٰ أَنْ تُعَلِّمَنِ مِمَّا عُلِّمْتَ رُشْدًا
ترجمہ : موسیٰ نے اس سے کہا کہ کیا میں اس غرض سے تمہارے ساتھ رہوں کہ تم مجھے وہ باتیں سکھاؤ جو تمہیں (خدا کی طرف سے) سکھائی گئی ہیں
قَالَ إِنَّكَ لَنْ تَسْتَطِيعَ مَعِيَ صَبْرًا
ترجمہ : اس نے کہا تم میرے ساتھ صبر نہیں کرسکو گے
وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا
ترجمہ : اور تم ان باتوں پر کیونکر صبر کرسکو گے جن کی حقیقت تمہارے علم میں نہیں ہے
قَالَ سَتَجِدُنِي إِنْ شَاءَ اللَّهُ صَابِرًا وَلَا أَعْصِي لَكَ أَمْرًا
ترجمہ : موسیٰ نے کہا اگر خدا چاہے تو تم مجھے صابر پاؤ گے اور میں تمہارے کسی حکم کی نافرمانی نہیں کروں گا
قَالَ فَإِنِ اتَّبَعْتَنِي فَلَا تَسْأَلْنِي عَنْ شَيْءٍ حَتَّىٰ أُحْدِثَ لَكَ مِنْهُ ذِكْرًا
ترجمہ : اس نے کہا اگر تم میرے ساتھ رہو تو مجھ سے کسی چیز کے بارے میں کچھ نہ پوچھنا یہاں تک کہ میں خود تم سے اس کا ذکر کروں
فَانْطَلَقَا حَتَّىٰ إِذَا رَكِبَا فِي السَّفِينَةِ خَرَقَهَا ۖ قَالَ أَخَرَقْتَهَا لِتُغْرِقَ أَهْلَهَا لَقَدْ جِئْتَ شَيْئًا إِمْرًا
ترجمہ : پھر وہ دونوں روانہ ہوئے یہاں تک کہ جب کشتی میں سوار ہوئے تو اس نے اس میں شگاف ڈال دیا۔ (موسیٰ نے) کہا کیا تم نے اس میں اس لئے شگاف ڈالا ہے کہ اس کے سواروں کو غرق کردو تم نے تو برا کام کیا
قَالَ أَلَمْ أَقُلْ إِنَّكَ لَنْ تَسْتَطِيعَ مَعِيَ صَبْرًا
ترجمہ : اس نے کہا کیا میں نے تم سے نہیں کہا تھا کہ تم میرے ساتھ صبر نہیں کرسکو گے
قَالَ لَا تُؤَاخِذْنِي بِمَا نَسِيتُ وَلَا تُرْهِقْنِي مِنْ أَمْرِي عُسْرًا
ترجمہ : (موسیٰ نے) کہا بھولے سے جو مجھ سے ہوا اس پر مجھے نہ پکڑیئے اور میرے معاملے میں مجھ پر سختی نہ کیجیئے
فَانْطَلَقَا حَتَّىٰ إِذَا لَقِيَا غُلَامًا فَقَتَلَهُ قَالَ أَقَتَلْتَ نَفْسًا زَكِيَّةً بِغَيْرِ نَفْسٍ لَقَدْ جِئْتَ شَيْئًا نُكْرًا
ترجمہ : پھر وہ دونوں روانہ ہوئے یہاں تک کہ ایک لڑکے سے ملے تو اس نے اس کو قتل کردیا۔ (موسیٰ نے) کہا کیا تم نے ایک بےگناہ کو قتل کردیا جس نے کسی کو قتل نہیں کیا تھا۔ تم نے تو برا کام کیا
قَالَ أَلَمْ أَقُلْ لَكَ إِنَّكَ لَنْ تَسْتَطِيعَ مَعِيَ صَبْرًا
ترجمہ : اس نے کہا کیا میں نے تم سے نہیں کہا تھا کہ تم میرے ساتھ صبر نہیں کرسکو گے
قَالَ إِنْ سَأَلْتُكَ عَنْ شَيْءٍ بَعْدَهَا فَلَا تُصَاحِبْنِي ۖ قَدْ بَلَغْتَ مِنْ لَدُنِّي عُذْرًا
ترجمہ : (موسیٰ نے) کہا اگر اس کے بعد میں تم سے کسی چیز کے بارے میں کچھ پوچھوں تو مجھے اپنے ساتھ نہ رہنے دینا۔ تم میری طرف سے معذور ہو
فَانْطَلَقَا حَتَّىٰ إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَنْ يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنْقَضَّ فَأَقَامَهُ ۖ قَالَ لَوْ شِئْتَ لَاتَّخَذْتَ عَلَيْهِ أَجْرًا
ترجمہ : پھر وہ دونوں روانہ ہوئے یہاں تک کہ ایک گاؤں والوں کے پاس پہنچے تو ان سے کھانا مانگا۔ انہوں نے ان کی مہمانی کرنے سے انکار کردیا تو انہوں نے وہاں ایک دیوار دیکھی کہ چاہتی ہے کہ گرجائے۔ اس نے اس کو سیدھا کردیا۔ (موسیٰ نے) کہا اگر تم چاہتے تو اس کی مزدوری لے لیتے
قَالَ هَٰذَا فِرَاقُ بَيْنِي وَبَيْنِكَ ۚ سَأُنَبِّئُكَ بِتَأْوِيلِ مَا لَمْ تَسْتَطِعْ عَلَيْهِ صَبْرًا
ترجمہ : اس نے کہا اب میرے اور تمہارے درمیان جدائی (ہوتی) ہے جن باتوں پر تم صبر نہ کرسکے میں ان کی حقیقت تم سے بیان کئے دیتا ہوں
أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدْتُ أَنْ أَعِيبَهَا وَكَانَ وَرَاءَهُمْ مَلِكٌ يَأْخُذُ كُلَّ سَفِينَةٍ غَصْبًا
ترجمہ : (یعنی) کشتی تو وہ مسکینوں کی تھی جو دریا میں کام کرتے تھے۔ میں نے چاہی کہ اس کو عیب دار کردوں کیونکہ ان کے آگے ایک بادشاہ تھا جو ہر ایک اچھی کشتی کو زبردستی چھین لیتا تھا
وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَنْ يُرْهِقَهُمَا طُغْيَانًا وَكُفْرًا
ترجمہ : اور لڑکا سو وہ سرکش تھا اور اس کے ماں باپ مومن تھے۔ تو ہم کو ڈر تھا کہ وہ اپنی سرکشی اور نافرمانی سے ان کو تکلیف دے گا
فَأَرَدْنَا أَنْ يُبْدِلَهُمَا رَبُّهُمَا خَيْرًا مِنْهُ زَكَاةً وَأَقْرَبَ رُحْمًا
ترجمہ : تو ہم نے چاہا کہ ان کا پروردگار ان کو اس کے بدلے میں اس سے بہتر پاکیزگی والا اور محبت میں اس سے قریب تر (لڑکا) عطا فرمائے
وَأَمَّا الْجِدَارُ فَكَانَ لِغُلَامَيْنِ يَتِيمَيْنِ فِي الْمَدِينَةِ وَكَانَ تَحْتَهُ كَنْزٌ لَهُمَا وَكَانَ أَبُوهُمَا صَالِحًا فَأَرَادَ رَبُّكَ أَنْ يَبْلُغَا أَشُدَّهُمَا وَيَسْتَخْرِجَا كَنْزَهُمَا رَحْمَةً مِنْ رَبِّكَ ۚ وَمَا فَعَلْتُهُ عَنْ أَمْرِي ۚ ذَٰلِكَ تَأْوِيلُ مَا لَمْ تَسْطِعْ عَلَيْهِ صَبْرًا
ترجمہ : اور دیوار سو وہ دو یتیم لڑکوں کی تھی جو اس شہر میں رہتے تھے اور اس کے نیچے ان کا خزانہ (دفن) تھا۔ اور ان کا باپ صالح شخص تھا۔ تو تمہارے پروردگار نے چاہا کہ جب وہ اپنی جوانی کو پہنچ جائیں تو اپنا خزانہ نکال لیں۔ یہ تمہارے پروردگار کی مہربانی سے ہوا۔ اور میں نے اپنی مرضی سے کچھ نہیں کیا۔ یہ ان باتوں کی حقیقت ہے جن پر تم صبر نہ کرسکے
وَيَسْأَلُونَكَ عَنْ ذِي الْقَرْنَيْنِ ۖ قُلْ سَأَتْلُو عَلَيْكُمْ مِنْهُ ذِكْرًا
ترجمہ : اور تم سے ذوالقرنین کا حال پوچھتے ہیں۔ کہہ دو کہ میں عنقریب اس کا کچھ حال تم سے بیان کروں گا
إِنَّا مَكَّنَّا لَهُ فِي الْأَرْضِ وَآتَيْنَاهُ مِنْ كُلِّ شَيْءٍ سَبَبًا
ترجمہ : ہم نے اس کو زمین میں اقتدار بخشا تھا اور اس کو ہر چیز کا سامان عطا کیا تھا
فَأَتْبَعَ سَبَبًا
ترجمہ : تو اس نے ایک راہ اختیار کی
حَتَّىٰ إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِنْدَهَا قَوْمًا ۗ قُلْنَا يَا ذَا الْقَرْنَيْنِ إِمَّا أَنْ تُعَذِّبَ وَإِمَّا أَنْ تَتَّخِذَ فِيهِمْ حُسْنًا
ترجمہ : یہاں تک کہ جب سورج کے غروب ہونے کی جگہ پہنچا تو دیکھا کہ وہ ایک سیاہ چشمے میں ڈوب رہا ہے اور اس کے پاس ایک قوم کو پایا۔ ہم نے کہا کہ اے ذوالقرنین! یا تو ان کو عذاب دے یا ان کے ساتھ بھلائی کر
قَالَ أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُكْرًا
ترجمہ : اس نے کہا جو ظلم کرے گا ہم اس کو عذاب دیں گے پھر وہ اپنے پروردگار کے پاس لوٹایا جائے گا تو وہ اس کو سخت عذاب دے گا
وَأَمَّا مَنْ آمَنَ وَعَمِلَ صَالِحًا فَلَهُ جَزَاءً الْحُسْنَىٰ ۖ وَسَنَقُولُ لَهُ مِنْ أَمْرِنَا يُسْرًا
ترجمہ : اور جو ایمان لائے گا اور نیک کام کرے گا اس کے لئے اچھا بدلہ ہے اور ہم اس کو آسان حکم دیں گے
ثُمَّ أَتْبَعَ سَبَبًا
ترجمہ : پھر اس نے ایک اور سامان (سفر کا) کیا
حَتَّىٰ إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَىٰ قَوْمٍ لَمْ نَجْعَلْ لَهُمْ مِنْ دُونِهَا سِتْرًا
ترجمہ : یہاں تک کہ سورج کے طلوع ہونے کے مقام پر پہنچا تو دیکھا کہ وہ ایسے لوگوں پر طلوع کرتا ہے جن کے لئے ہم نے سورج کے اس طرف کوئی اوٹ نہیں بنائی تھی
كَذَٰلِكَ وَقَدْ أَحَطْنَا بِمَا لَدَيْهِ خُبْرًا
ترجمہ : (حقیقت حال) یوں (تھی) اور جو کچھ اس کے پاس تھا ہم کو سب کی خبر تھی
ثُمَّ أَتْبَعَ سَبَبًا
ترجمہ : پھر اس نے ایک اور سامان کیا
حَتَّىٰ إِذَا بَلَغَ بَيْنَ السَّدَّيْنِ وَجَدَ مِنْ دُونِهِمَا قَوْمًا لَا يَكَادُونَ يَفْقَهُونَ قَوْلًا
ترجمہ : یہاں تک کہ دو دیواروں کے درمیان پہنچا تو دیکھا کہ ان کے اس طرف کچھ لوگ ہیں کہ بات کو سمجھ نہیں سکتے
قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَىٰ أَنْ تَجْعَلَ بَيْنَنَا وَبَيْنَهُمْ سَدًّا
ترجمہ : ان لوگوں نے کہا ذوالقرنین! یاجوج اور ماجوج زمین میں فساد کرتے رہتے ہیں بھلا ہم آپ کے لئے خرچ (کا انتظام) کردیں کہ آپ ہمارے اور ان کے درمیان ایک دیوار کھینچ دیں
قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا
ترجمہ : ذوالقرنین نے کہا کہ خرچ کا جو مقدور خدا نے مجھے بخشا ہے وہ بہت اچھا ہے۔ تم مجھے قوت (بازو) سے مدد دو۔ میں تمہارے اور ان کے درمیان ایک مضبوط اوٹ بنا دوں گا
آتُونِي زُبَرَ الْحَدِيدِ ۖ حَتَّىٰ إِذَا سَاوَىٰ بَيْنَ الصَّدَفَيْنِ قَالَ انْفُخُوا ۖ حَتَّىٰ إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا
ترجمہ : مجھے لوہے کے تختے لا دو۔ یہاں تک کہ جب اس نے دونوں پہاڑوں کے درمیان کی جگہ کو برابر کردیا تو کہا کہ دھونکو۔ یہاں تک کہ جب اس کو آگ کردیا تو کہا کہ لاؤ میں اس پر پگھلایا ہوا تانبا ڈال دوں
فَمَا اسْطَاعُوا أَنْ يَظْهَرُوهُ وَمَا اسْتَطَاعُوا لَهُ نَقْبًا
ترجمہ : تو وہ اس پر نہ چڑھ سکے اور نہ اس میں سوراخ کرسکے
قَالَ هَٰذَا رَحْمَةٌ مِنْ رَبِّي ۖ فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا
ترجمہ : اس نے کہا یہ میرے پروردگار کی مہربانی ہے۔ جب میرے پروردگار کا وعدہ پورا ہوگا تو اس کو ڈھا دے گا اور میرے پروردگار کا وعدہ سچا ہے
وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ ۖ وَنُفِخَ فِي الصُّورِ فَجَمَعْنَاهُمْ جَمْعًا
ترجمہ : اور اس دن ہم ان کو چھوڑ دیں گے کہ ایک دوسرے میں گھس جائیں گے اور صور پھونکا جائے گا تو ہم سب کو جمع کرلیں گے
وَعَرَضْنَا جَهَنَّمَ يَوْمَئِذٍ لِلْكَافِرِينَ عَرْضًا
ترجمہ : اور اس دن ہم جہنم کو کافروں کے سامنے لائیں گے
الَّذِينَ كَانَتْ أَعْيُنُهُمْ فِي غِطَاءٍ عَنْ ذِكْرِي وَكَانُوا لَا يَسْتَطِيعُونَ سَمْعًا
ترجمہ : جن کی آنکھیں میری یاد (سے غافل) تھیں اور وہ سن بھی نہیں سکتے تھے
أَفَحَسِبَ الَّذِينَ كَفَرُوا أَنْ يَتَّخِذُوا عِبَادِي مِنْ دُونِي أَوْلِيَاءَ ۚ إِنَّا أَعْتَدْنَا جَهَنَّمَ لِلْكَافِرِينَ نُزُلًا
ترجمہ : کیا کافر یہ خیال کرتے ہیں کہ میرے سوا میرے بندوں کو دوست بنا لیں تو (یہ کچھ حقیقت نہیں رکھتے) ہم نے تو کافروں کی مہمانی کے لئے جہنم تیار کر رکھی ہے
قُلْ هَلْ نُنَبِّئُكُمْ بِالْأَخْسَرِينَ أَعْمَالًا
ترجمہ : کہہ دو کہ کیا ہم تمہیں بتائیں کہ اعمال کے لحاظ سے سب سے زیادہ نقصان میں کون ہیں
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا
ترجمہ : وہ جن کی کوشش دنیا کی زندگی میں برباد ہوگئی اور وہ یہ خیال کرتے ہیں کہ وہ اچھے کام کر رہے ہیں
أُولَٰئِكَ الَّذِينَ كَفَرُوا بِآيَاتِ رَبِّهِمْ وَلِقَائِهِ فَحَبِطَتْ أَعْمَالُهُمْ فَلَا نُقِيمُ لَهُمْ يَوْمَ الْقِيَامَةِ وَزْنًا
ترجمہ : یہی وہ لوگ ہیں جنہوں نے اپنے پروردگار کی آیتوں اور اس کے روبرو حاضر ہونے سے انکار کیا۔ تو ان کے عمل برباد ہوگئے اور قیامت کے دن ہم ان کا کچھ وزن قائم نہیں کریں گے
ذَٰلِكَ جَزَاؤُهُمْ جَهَنَّمُ بِمَا كَفَرُوا وَاتَّخَذُوا آيَاتِي وَرُسُلِي هُزُوًا
ترجمہ : ان کی جزا جہنم ہے اس لئے کہ انہوں نے کفر کیا اور میری آیتوں اور میرے پیغمبروں کو ہنسی ٹھٹھا ٹھہرایا
إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا
ترجمہ : جو لوگ ایمان لائے اور نیک کام کرتے رہے ان کے لئے بہشت کے باغ مہمانی کے لئے (تیار) ہیں
خَالِدِينَ فِيهَا لَا يَبْغُونَ عَنْهَا حِوَلًا
ترجمہ : جن میں وہ ہمیشہ رہیں گے۔ وہاں سے کبھی (نکلنا) نہیں چاہیں گے
قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا
ترجمہ : کہہ دو کہ اگر میرے پروردگار کے کلمات لکھنے کے لئے سمندر روشنائی ہوجائے تو میرے رب کے کلمات ختم ہونے سے پہلے سمندر ختم ہوجائے گا خواہ ہم اتنا ہی اور سمندر لے آئیں
قُلْ إِنَّمَا أَنَا بَشَرٌ مِثْلُكُمْ يُوحَىٰ إِلَيَّ أَنَّمَا إِلَٰهُكُمْ إِلَٰهٌ وَاحِدٌ ۖ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا
ترجمہ : کہہ دو کہ میں تو تمہارے ہی جیسا آدمی ہوں۔ (ہاں) مجھ پر وحی آتی ہے کہ تمہارا معبود خدائے واحد ہے۔ تو جو شخص اپنے پروردگار سے ملنے کی امید رکھے چاہیئے کہ نیک کام کرے اور اپنے پروردگار کی عبادت میں کسی کو شریک نہ کرے
سورہ کہف Mp3 ڈاؤن لوڈ
سورہ کہف آڈیو
سورہ کہف عربی + اردو ترجمہ آڈیو
سورہ کہف ویڈیو
سورہ کہف کی ساخت
چار کہانیاں:
- غار کے ساتھی (آیات 9–26): وہ لوگ جو ظلم و ستم سے بچنے کے لیے غار میں پناہ گزین ہوئے، اور اللہ کے معجزے سے محفوظ رہے۔
- دو آدمی اور باغ (آیات 32–44): مال و دولت اور عاجزی کے مابین ایک تمثیل۔
- موسیٰ (علیہ السلام) اور خضر (آیات 60–82): الہٰی حکمت کو انسانی عقل سے آگے قبول کرنے کا سبق۔
- ذو القرنین (آیات 83–98): ایک انصاف پسند حکمران جو یاجوج و ماجوج کے خلاف ایک دیوار بناتا ہے۔
مربوط موضوع: یہ چاروں کہانیاں آزمائشوں کے ارد گرد گھومتی ہیں — ایمان، دولت، علم، اور طاقت کی آزمائش۔
سورہ کہف کی کہانیاں
A. غار کے ساتھی
سیاق: توحیدی ایمان کے نوجوانوں کا ایک گروہ (قبل اسلام دور) ظلم و ستم سے بچنے کے لیے غار میں پناہ لیتا ہے اور 309 سال تک وہاں سوتا ہے (قرآن 18:25)۔
اہم آیتیں:
“جب نوجوان غار میں پناہ لینے گئے، تو انہوں نے کہا، ‘ہمارے رب، ہمیں اپنے پاس سے رحمت دے اور ہمارے اس آزمائش میں ہمیں ہدایت دے'” (18:10، صحیح انٹرنیشنل)۔
سبق: آزمائشوں میں اللہ پر بھروسہ، قیامت پر ایمان، اور وقت پر اللہ کی قدرت۔
B. دو آدمی اور باغ
سیاق: ایک مالدار آدمی اپنے کامیابی کو خود پر فخر کرتا ہے، جبکہ اس کا عاجز ساتھی اسے اللہ کا شکر ادا کرنے کی یاد دلاتا ہے۔ باغ کو سزا کے طور پر تباہ کر دیا جاتا ہے (18:32–44)۔
اہم آیت: “اور اس کے پھلوں کو تباہی نے گھیر لیا، پھر وہ اپنے ہاتھ مروڑنے لگا کہ جو اس نے اس پر خرچ کیا تھا، وہ اس کے جالوں پر گر چکا تھا…” (18:42)۔
سبق: دنیاوی دولت عارضی ہے؛ شکرگزاری اور عاجزی ضروری ہیں۔
C. موسیٰ اور خضر
سیاق: موسیٰ خضر (الہٰی علم والے ایک نیک بندے) سے حکمت سیکھنے کے لیے ملنے جاتے ہیں۔ خضر کچھ ایسا کرتے ہیں جو ظاہری طور پر نقصان دہ ہوتا ہے (کشتی کو نقصان پہنچانا، بچے کو مارنا) لیکن بعد میں ان کے اعمال میں بہتری کی حقیقت سامنے آتی ہے (18:60–82)۔
اہم سبق: “تم ایسی بات پر کیسے صبر کر سکتے ہو جس کا تمہیں علم نہیں؟” (18:68)۔ انسانی فہم محدود ہے؛ اللہ کا منصوبہ کامل ہے۔
D. ذو القرنین
سیاق: ایک نیک حکمران مشرق و مغرب سفر کرتا ہے، مظلوموں کی مدد کرتا ہے۔ وہ یاجوج و ماجوج کو روکنے کے لیے لوہے اور تانبے کی ایک دیوار بناتا ہے، جو قیامت کے قریب ٹوٹ کر باہر آ جائیں گے (18:83–98)۔
اہم آیت: “اس نے کہا، ‘یہ میرے رب کی رحمت ہے۔ لیکن جب میرے رب کا وعدہ آئے گا، تو وہ اسے زمین بوس کر دے گا…'” (18:98)۔
سبق: انصاف کے ساتھ قیادت، آئندہ آزمائشوں کے لیے تیاری، اور اللہ کا حاکمیت پر مکمل کنٹرول۔
سورہ کہف کی تلاوت اور غور و فکر کے فوائد
دجال (مسیح دجال) سے حفاظت
ثبوت: حضرت محمد ﷺ نے فرمایا: “جو شخص سورۃ الکہف کی ابتدائی دس آیات حفظ کرے گا، وہ دجال سے محفوظ رہے گا۔” (صحیح مسلم 809)
تشریح: سورۃ الکہف میں توحید (اللہ کی واحدیت) اور قیامت کی حقیقت پر زور دیا گیا ہے — یہ وہ اہم موضوعات ہیں جو دجال کے جھوٹے دعووں اور فریب کو رد کرتے ہیں۔
جمعہ کے دنوں کے درمیان روحانی روشنی
ثبوت: “جو شخص جمعہ کے دن سورۃ الکہف پڑھے گا، اس کے قدموں سے لے کر آسمان کے بادلوں تک ایک روشنی چمکے گی، جو قیامت کے دن اسے منور کرے گی اور وہ دونوں جمعہ کے درمیان معاف کر دیا جائے گا۔” (الحقیم، اور اس کی صحت کو شیخ البانی نے تصدیق کیا)
تشریح: “روشنی” اللہ کی ہدایت، وضاحت اور گناہ سے تحفظ کی علامت ہے۔
آزمائشوں میں ایمان کو مضبوط کرنا
ثبوت: سورۃ الکہف کی چار کہانیاں چار بڑی آزمائشوں کا ذکر کرتی ہیں:
ایمان: غار والوں کی ظلم و ستم کی کہانی۔
دولت: باغ کے مالک کا تکبر۔
علم: موسیٰ اور خضر کا سبق۔
اقتدار: ذو القرنین کا انصاف۔
تشریح: ان کہانیوں پر غور کرنا مومنین کو جدید آزمائشوں جیسے مادیت، عقلی شبہات اور اقتدار کے غلط استعمال سے نمٹنے میں مدد فراہم کرتا ہے۔
علم کو عاجزی کے ساتھ حاصل کرنے کی ترغیب
ثبوت: موسیٰ اور خضر کی کہانی (18:60-82) سکھاتی ہے کہ الہٰی حکمت اکثر انسانی سمجھ سے بڑھ کر ہوتی ہے۔ “وہ ہمارے ایک بندے سے ملے، جس پر ہم نے اپنی طرف سے رحمت نازل کی تھی اور اسے ہمارے پاس سے علم سکھایا تھا” (18:65)
سبق: علم حاصل کرنے میں عاجزی اور اللہ کے منصوبے پر بھروسہ رکھنا، حتیٰ کہ جب واقعات ناانصافی لگیں۔
زندگی کی عارضیت کا یاد دلانا
ثبوت: دو آدمیوں اور باغ کی تمثیل (18:32–44) دنیاوی مال و دولت پر غرور کے خلاف خبردار کرتی ہے: “اور اس کے پھل تباہ ہوگئے، پھر وہ جو کچھ اس پر خرچ کیا تھا، اس پر اپنے ہاتھ مروڑنے لگا…” (18:42)
سبق: دولت اور حیثیت عارضی ہیں؛ حقیقی کامیابی شکرگزاری اور اچھے اعمال میں ہے۔
آخرت سے تعلق
ثبوت: غار میں سوئے ہوئے لوگ صدیاں گزرنے کے بعد زندہ کیے گئے: “اور وہ تین سو سال اپنے غار میں رہے، اور نو سال اور بڑھا لیے” (18:25)
سبق: جسمانی قیامت پر ایمان اور اللہ کی قدرت پر وقت اور موت پر کامل تسلط کا اقرار۔
حفظ پر انعام
ثبوت: حضرت محمد ﷺ نے سورۃ الکہف کے بعض حصے حفظ کرنے کی ترغیب دی تھی تاکہ حفاظت حاصل ہو۔ (صحیح مسلم 809)
عملی فائدہ:
صرف 10 آیات حفظ کرنے سے روحانی تحفظ اور تلاوت میں آسانی حاصل ہوتی ہے۔
نتیجہ
سورة الکہف جدید آزمائشوں جیسے مادیت، تکبر، اور شک کے خلاف ایک ابدی رہنمائی ہے۔
باقاعدہ مطالعہ اللہ پر بھروسہ اور ثابت قدمی کو فروغ دیتا ہے۔